Banglo vs sulap

Ambaza....bah iti dati kali kedua....

Nunuka ot maksud ku dot banglo vs sulap?

Tidak dapat dinafikan bahawa akopiro ot ongulun tokou (kadi Ampal nga 'orang kita') obuli boroson dot 'obuli-buli' no lah...dari segi material..kadang-kadang setanding no dot bansa vokon. Amu tagal ong ingaran no tu okonko songkuro ot ulun tokou dot kategori yadino. Jadi nunu ka ot boroson ku siti...? Unsopot tokou dot varo 'orang kita' yaditi...mogot no garal tokou ino.

Nga okonko nunu ot mad 'sedih' oku topodok...inono kubasan tulun tokou ong kinsavat no mad aso usaha manarik dit bansa dau mindakod. Okonko yadko it bansa vokon..sunsang sebagai contoh...tu ong yoti mibabantu-bantu yoti sumurut...sabab pogi om varo rangkaian perniagaan dioti. Timai ka dikou mimot mintutuk tokou ong varo no ot rangkaian tokou yadko yoti???aso bo...

iti no ot boroson ku dot banglo vs sulap. Ong ulun tokou ong varo no ot banglo...kadang-kadang amu no mongimot dit ulun dau dit kakali sid 'sulap'. Hondomon tokou no dot ong ogumu tokou ot kibanglo, lebih apapag it bansa tokou...contoh sunsang kangku diri. Ong yoti osinang miupakat nunu nopo....

ambaza-ambaza......bai tiduat oku po dot sira tokou no ma diti sumimban...ong amu kasadar tokou diti...alaid nopo baiko 'moloi-roloi' tokou po mimot dit bansa tokou.....

Ambaza-Ambaza...

iti diti ot blog pertama ku...tujuvan ditit blog diti inono ingin mitatabang mosik om momosik ditokou kavi bansa Rungus. Elaan ku dot bansa Rungus secara amnya ogumu no ot noposik topot kasip oku dot kakali ogumu ot 'modop'. Imatai dikou sid mintutuk tokou....ogumu no ot graduan (amu elaan songkuro didino...? nga kasip oku dot okonko 200 tokou). Nga ong imatan secara umum, Rungus diti kakali antara yang terbelakang sid Malaysia, Sabah khususnya.

Jadi tokou no ambaza-ambaza....mioposik-posik tokou. Blog diti itung ku dot iso ot ralan tokou mioboros-boros om patanjag dot 'kesedaran' dot itokou diti kakali monungkamang ong berbanding bansa vokon sid Sabah...ong monungkamang no...rumosi oku dot amu po monungkamang tokou...???? Miatabang tokou menimbulkan kesedaran diti supaya katanzad itit idea dot 'mioposik-posik tokou'.

Ambaza...varo isot tuturanon ku. Varo tolu ot tulun (anak vagu lah katakan) dot minagasu...sid kotolu tadau mad nopo nakadjang dot iso ot sumuni dot banalko avasi kagi. Inot sumuni dino nokosulung sid 'azup' (elaan bo dikou inot azup dino bo????). Mihad-ihad po inot sumuni (avasi ma kagi inoi....). "tulung-tulung.....tulung-tulung....(mingigizak po). Ong tulungan oku dikou....tumbozoon tikou dot tolu ot permintaan...nunu nopo permintaan". Na tinulungan not dioti bino. Om dipendekkan cerita. "Ong yoku, mindamo oku supaya humensam (handsome) oku", kadit anak vagu keso. Om terus jumadi no beno, anak vagu keso nga banal noko handsome boy. Nemot po dit anak vagu koduvo, mad mongingvogu (jealous) porogi. "Na ong yoku, mindomo oku supaya sumiliu oku dot 'ohensam-hensam' po ko mantad ko yalo ka (it anak vagu pertama), sampai aso no kerad kohensam. Na turus jumadi no beno, it anak vagu koduvo lebih ohensam mantad ko it keso.

Nemot podit anak vagu kotolu, mad yosido nga ingin ni dot ohensam-hensam po. "Pojodizo oku dot ohensam-hensam po ko yoti miduvo", kadit kotolu. Kadit sumuni tosundu (buniaan naku itit bo..???), "amu adapat tu yalo ka dot it anak vagu koduvo ot nokindamo no dot paling ohensam, aso no kerad". Jadi mad ojealous no vagu it kotolu....mitung-itung po dot nunu ot indomoon dau. Amu nakasaap dit puriman dot 'jealous'...."Ong yadino...dot mininggagarak no ka ino...paraato okoi vagu...tu kasanaan ku ong bai yoti ot ohensam". Dengan rendah hati, it sumuni dino nga terpaksa 'niraat' no yoti vagu...om tinumanus no bo it sumuni dino.

Hahahaha....hayato kah dikou ambaza....itungo tokou.....??? Kakali naku varo bansa tokou dot yaditi ot pongitungan??? Opurimanan ku mad kakali varo. Tu ong aso no yaditi dati...elaan ku dot bansa tokou lebih po amaju mantad ko didino...

rontob yaditi.....timai tokou mongitung bo....om ong varo pendapat or motivasi dot avantang tiningon....dialu-alukan...

isai-isai ot ingin posting blog....avantang no ong sig Rungus...tapi obuli bo sid BM atau English.